شبیر کا ماتم نہ رکا ہے نہ رکے گا

اسلام کا پرچم نہ جھکا ہے نہ جھکے گا

اس نور کو محشر کا بھی کچھ خوف نہیں ہے

شبیر کا سورج نہ ڈھلا ہے نہ ڈھلے گا

تھوکیں بھی نہ دولت پہ غلامان شہِ دیں

ہم لوگوں میں کوئی نہ بکا ہے نہ بکے گا

ہم لوگ حسینی ہیں خبردار خبردار

سر ظلم کے آگے نہ جھکا ہے نہ جھکے گا

ان اشکوں میں ہم سارے زمانے کو ڈبو دیں

ماتم سے کبھی جی نہ بھرا ہے نہ بھرے گا

تہذیب سبیلوں کی ہے اصغر کا تبسـم

پانی پہ کوئی ایسے ہنسا ہے نہ ہنسے گا

نیزوں پہ لہو روتی رہی شامِ غریباں

سرور کی طرح کوئی لٹا ہے نہ لٹے گا

فرعون کی طاقت یا وصی جور حکومت

باطل سے کبھی حق نہ دبا ہے نہ دبے گا