میدانِ کربلا میں کلیجوں کے پار تھی

واللہ حسنؑ کی صلح نہ تھی ذوالفقار تھی

حرؑ کے لئے نجات کا سامان ہو گیا

وہ زندگی ملی جو بڑی شاندار تھی

قاسمؑ کو دولہا بننے سے پہلے ہی موت آئے

مرضی حسنؑ کی مرضیِ پروردگار تھی

غش میں پڑے تھے عابدِؑ بیمار خستہ تن

اک حشر تھا کہ گردشِ لیل و نہار تھی

میں قہر بن کے قصرِ یزیدی پہ پھٹ پڑوں

شیرِ خدا کے شیر پہ یہ دھن سوار تھی

خیمے جلے، ردائیں چھنیں، گھر اُجڑ گیا

مرگِ حسینؑ ثانیِؑ زہراؑ پہ بار تھی

کرب و بلا کو جھیل کے مظلومؑ نے شررؔ

دکھلا دیا یزید کے لشکر کی ہار تھی